ӨМНӨД СОЛОНГОСТ ГАРСАН ТҮЙМРИЙГ БҮРЭН УНТРААЖЭЭ ЗАСГИЙН ГАЗАР ӨНГӨРСӨН 7 ХОНОГ “YEP” ТӨСЛИЙГ НООС, НООЛУУР БОЛОН ЗОЧЛОХ ҮЙЛЧИЛГЭЭНИЙ САЛБАРТ ТУРШИН ХЭРЭГЖҮҮЛНЭ ЭРЧИМЖСЭН МАЛ АЖ АХУЙ ГАЗАР ТАРИАЛАНГ ХОСЛОН ХӨГЖҮҮЛЭХЭД 1.4 ТЭРБУМ ТӨГРӨГӨӨР ЗУРГААН ТӨРЛИЙН ТЭЖЭЭЛИЙН ТАРИМЛЫН ҮР НИЙЛҮҮЛНЭ ЗӨВШӨӨРӨЛ ОЛГОХ, СУНГАХ, ТҮДГЭЛЗҮҮЛЭХ, СЭРГЭЭХ, ХҮЧИНГҮЙ БОЛГОХ ШИЙДВЭРЛЭЛТИЙН МЭДЭГДЛИЙГ “И-МОНГОЛ” СИСТЕМЭЭР ИРГЭНД ХҮРГЭНЭ

Манай чөлөөтийнхөн ялагдсан хэдий ч хүрлийн төлөө...

2014 оны 9 сарын 9
0

Манай ОУХМ Э.Ням-Очир хүрлийн төлөө барилдах ба харин МУГТ Г.Нармандах, ОУХМ Хүдэрбулга нарын хувьд хүрэл медалийн төлөө барилдах боломж бий.

ФИЛА –гийн ДАШТ-ний хоёр дахь өдөр чөлөөт бөхийн эрэгтэйчүүдийн 61, 65, 74, 97 кг-ийн барилдаан одоо болж байна. Тус жингүүдэд манай улсаас

61 кг: Энхсайханы Ням-Очир /Олон улсын хэмжээний мастер, ”Хилчин” спорт хороо, үндэсний шигшээ багийн тамирчин, Ази тивийн аварга шалгаруулах тэмцээний хүрэл медальт, ДАШТ-д 3 дахь удаа оролцож байна/.

65 кг: Ганзоригийн Мандахнаран /Гавьяат тамирчин, “Алдар” спорт хороо, үндэсний шигшээ багийн тамирчин, ДАШТ-ний хүрэл, Оюутны универсиад наадмын хүрэл, Ази тивийн аварга шалгаруулах тэмцээний хошой мөнгөн медальт, Азийн наадмын аварга,ДАШТ-д 4 дэх удаа оролцож байна/.

74 кг: Пүрэвжавын Өнөрбат /Олон улсын хэмжээний мастер, Дархан-Уул аймаг, ”Хасу-Мегастарс” клуб, үндэсний шигшээ багийн тамирчин, Ази тивийн аварга шалгаруулах тэмцээний хошой мөнгө, хүрэл, залуучуудын ДАШТ-ний хүрэл медальт, ДАШТ-нд 3 дахь удаа оролцож байна/.

96 кг: Доржхандын Хүдэрбулга /Олон улсын хэмжээний мастер,“Ганьт” клуб, үндэсний шигшээ багийн тамирчин, Оюутны зуны “Универсиад” наадмын хүрэл, Ази тивийн аварга шалгаруулах тэмцээний алт, хошой хүрэл медальт, ДАШТ-нд 2 дахь удаа оролцож байна/ нар оролцож байгаа.

Өнөөдөр барилдсан манай үлдсэн тамирчдын барилдсан товч дүнг танилцуулахад,

61 кг-д

Э.Ням-Очир 1-р тойрогт БНСУ-ын Ян Жай-Хоонг цаг дуусах мөчид 2 оноо авснаар 3:2 харьцаагаар ялсан боловч, 2-р тойрогт Азийн шилдэг бөх Ираны Масуд Эсмайлпурт /Дэлхийн аваргын хүрэл, Азийн хошой алт 1 мөнгө, 1 хүрэлтэй/ 7:0 харьцаагаар ялагдлаа.

65 кг-д

Манай найдлага тавьж байсан Г.Мандахнаран маань 1-р тойрогт Украйны Титал Жханфарианыг 15:5-аар, 2-р тойрогт өнгөрсөн жилийн Дэлхийн аварга, Европын аварга Армений Давид Сафаряныг 11-1-ээр илүүрхэн ялсан боловч 3-р тойрогт ОХУ-ын залуу бөх Сослан Романовт 11:0 харьцаагаар ялагдлаа.

74 кг-д

П.Өнөрбат 1-р тойрогт Казахстаны Гаоимжан Уссербаевт 7:5 харьцаагаар ялагдаж тэмцээнээ дуусгасан.

97 кг-д

Бас итгэл найдвар тавьж байгаа Д.Хүдэрбулга 1-р тойрогт Узбекстаны Омар Омаровыг, 2-р тойрогт Казахстаны Ермукамбетийг 12:1 харьцаагаар илүүрхэн ялсан боловч 3-р тойрогт Олимпийн хошой хүрэл, Дэлхийн аварга, дэлхийн аваргын хошой мөнгө, Европын 3 алт, 1 мөнгөтэй алдарт тамирчин 32 настай Азербайжаны Хетаг Газюмовт 6:0 харьцаагаар ялагдснаар манай чөлөөтийнх нь тэмцээнээ өндөрлүүллээ.

Гэсэн хэдий ч Мандахнаран, Хүдэрбулга нарыг ялсан тамирчид аваргын төлөө шалгарч үлдсэн тохиолдолд манай хоёр тамирчин торгуулийн тойрогт орж хүрэл медалийн төлөө өрсөлдөх боломж бий.

Харин 61 кг-ийн жинд манай Э.Ня-Очирыг ялсан Ираны тамирчин аваргын төлөө барилдахаар шалгарч үлдсэн тул манай бөх торгуулийн тойрогт орж хүрлийн төлөө барилдахаар болсон.