ЗАСГИЙН ГАЗАР ЭЭЛЖИТ БУСААР ХУРАЛДАНА ИХЭНХ НУТГААР ХҮЙТРЭХИЙГ ОНЦГОЙЛОН АНХААРУУЛЖ БАЙНА Хүмүүжигчдийн эргэлт, уулзалтын байрыг өргөтгөжээ ӨНӨӨДӨР НУТГИЙН ЗҮҮН ХАГАСТ ЦАС ОРЖ, ЦАСАН ШУУРГА ШУУРНА ЗУЛЫН 25-НЫ ИХ ДҮЙЧИН ӨДӨР ИРЭХ ДАВАА ГАРИГТ ТОХИОНО

Нийтийн тээврийн шинэ чиглэлийн маршрут

2015 оны 8 сарын 18
0

Улаанбаатар хотын замын хөдөлгөөний ачаалал, түгжирлийг бууруулах, нийтийн тээврийн чиглэлийн давхцалыг багасгах зорилгоор нийтийн тээврийн үйлчилгээний сүлжээний шинэчилсэн төлөвлөлтийг энэ сарын 15-ны өдрөөс эхлэн хэрэгжүүлж байна.

Энэ төлөвлөлтийн хүрээнд их багтаамжийн автобусны үндсэн 69 чиглэлд 953 тээврийн хэрэгсэл ажиллах бөгөөд үүнээс 20 угсраа автобус, 40 троллейбус, 853 их багтаамж, 40 дунд багтаамжийн автобус иргэдэд үйлчилнэ. Таван цэгт шинэ чиглэл нээнэ. Дээрх шинэчлэлийн хүрээнд нийтийн тээврээр үйлчлэх маршрутуудын мэдээллийг цувралаар хүргэж байна

Шинэчилсэн төлөвлөлтөөр их багтаамжийн автобусны үндсэн 69 чиглэлд 953 тээврийн хэрэгсэл ажиллах бөгөөд үүнээс 20 угсраа автобус, 40 троллейбус, 853 их багтаамж, 40 дунд багтаамжийн автобус иргэдэд үйлчлэх юм. Таван цэгт шинэ чиглэл нээж, 20 угсраа, 30 дунд багтаамжийн шинэ автобусаар парк шинэчлэлт хийж байга аж.

Мөн хичээлийн шинэ жил эхлэх гэж байгаатай холбогдуулан энэ сарын 22, 23, 29, 30-ны амралтын өдрүүдэд автомашиныг улсын дугаарын тэгш, сондгойгоор ангилж замын хөдөлгөөнд оролцуулах юм.

Нийтийн тээврийн шинэ сүлжээг дараахь байдлаар өөрчилсөн байна. Үүнд:

Тойргоор явах чиглэлүүд: Таван тойрогт их багтаамжийн 80 автобус үйлчилнэ.

- Хотын баруун тойрог “3,4-р хороолол-Нарны гүүр-ТЭЦ3-Саппоро”,

- Их тойрог “Баруун 4 зам - Их тойруу - Зүүн 4 зам - Нарны зам”,

- Зүүн тойрог “Монелийн 38- Офицеруудын ордон-Сансар”,

- Хойд буюу “Баянхошуу-3.4-р хороолол-Өнөр хороолол /араар/-ГТЛ”,

- Хасбаатарын гудамж буюу 6-р бичил хороолол, 2 Хутагтын гудамж, Сөүлийн гудамжийг хотын төв хэсэгтэй холбосон “Гэмтлийн эмнэлэг-Хасбаатарын гудамж-Ард кино театр-Сөүлийн гудамж”

/Тойрог чиглэлүүдийн зураглал/

Тууш чиглэл

- Хотын баруун зүүн хэсгийг шууд холбосон /дамжин суултгүй явах/ хэвтээ тэнхлэг /авто зам/ дагуу үйлчлэх 7 чиглэлд 170 их багтаамжийн автобус,троллейбус, үүнээс 20 багтаамж ихтэй угсраа автобус

/Тууш буюу хэвтээ чиглэлүүдийн зураглал/

Тролейбусны чиглэлүүд

Чиглэлийн №: - T2

Чиглэлийн нэр: ХМК-Офицеруудын ордон

Чиглэлийн №: - T4

Чиглэлийн нэр: Ботаник -Вокзал

Чиглэлийн №: - T5

Чиглэлийн нэр: 3,4-р хороолол-Офицеруудын ордон

- Хотын хойд урд хэсгийг шууд холбосон /дамжин суултгүй явах/ босоо тэнхлэг дагуу үйлчлэх 4 чиглэлд 72 их багтаамжийн автобус

Тролейбусны чиглэл

Чиглэлийн №: - T3

Чиглэлийн нэр: 3,4-р хороолол-БММЗ

/Босоо чиглэлүүдийн зураглал/

Богино эргэлтийн буюу хотын алслагдсан баруун хэсгийн иргэдийг 5 шар, Саппоро хүртэл, зүүн хэсгийн иргэдийг Офицеруудын ордон, Дүнжингарав худалдааны төв хүртэл богино эргэлтээр үйлчлэх 6 чиглэлд 52 их багтаамжийн автобус,

Хот орчмын буюу Шаргаморьт, Городок, Тэрэлж, Налайх, Өлзийт, Туул тосгон, Санзай, Найрамдал зуслан, Био комбинат, Эмээлт, Хонхор, Мал бордох,Баруун түрүү зэрэг 13 чиглэлд 68 их багтаамжийн автобус үүнээс 30 дунд багтаамжийн автобус,

Бусад буюу хуучин маршрутаараа үйлчлэх 30 чиглэлд 500 их багтаамжийн автобус тус тус үйлчилгээнд ажиллаж байгаа гэнэ.