ЦАГ АГААРЫН УРЬДЧИЛСАН 10 ХОНОГИЙН ТӨЛӨВИЙГ ТАНИЛЦУУЛЪЯ

2024 оны 08 дугаар сарын 12-ноос 08 дугаар сарын 22-ныг хүртэлхцаг агаарын урьдчилсан төлөв:

Ихэнх хугацаанд, ихэнх нутгаар дуу цахилгаантай аадар бороо, бороо орох тул үер, ус, мөндөр, борооны өмнөх нөөлөг салхины аюулаас сэрэмжтэй байхыг анхааруулж байна.

Хур тунадас: 12, 13-нд баруун аймгуудын нутгийн зарим газар, төвийн аймгуудын нутгийн баруун хэсгээр, 14, 15-нд баруун болон төвийн аймгуудын нутгийн зарим газар, говийн аймгуудын нутгийн баруун хэсгээр, 16-нд төв болон говийн аймгуудын нутгийн зарим газар, зүүн аймгуудын нутгийн баруун хэсгээр, 17-нд төвийн аймгуудын нутгийн зүүн, говь болон зүүн аймгуудын нутгийн зарим газраар, 18, 19-нд нутгийн зүүн хагаст, 20, 21-нд зүүн аймгуудын нутгийн зүүн хэсгээр дуу цахилгаантай аадар бороо, бороо орно. Борооны өмнө салхи түр зуур ширүүснэ.

Салхи: Ихэнх хугацаанд ихэнх нутгаар секундэд 5-10 метр.

Агаарын температур: Алтай, Хангай уулархаг нутаг, Завхан голын эх, Хүрэнбэлчир орчим, Дархадын хотгор, Тэрэлж голын хөндийгөөр шөнөдөө +5...+10 градус, өдөртөө +18...+23 градус, Алтайн өвөр говиор шөнөдөө +16...+21 градус, өдөртөө +30...+35 градус, бусад нутгаар шөнөдөө +11...+16 градус, өдөртөө +21...+26 градус дулаан байна. 18-нд баруун аймгуудын нутгаар, 19-нд нутгийн баруун хагаст, 20, 21-нд ихэнх нутгаар хална.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 14-нд бага зэргийн аадар бороо, 15, 16, 17-нд бороо, 18-нд бага зэргийн бороо орно. Дуу цахилгаантай. Борооны өмнө салхи түр зуур ширүүснэ.

Салхи: Ихэнх хугацаанд секундэд 4-9 метр.

Агаарын температур: 13, 19, 20, 21-нд халж шөнөдөө +13...+18 градус, өдөртөө +24...+29 градус, бусад хугацаанд бага зэрэг сэрүүсэж шөнөдөө +8...+13 градус, өдөртөө +19...+24 градус дулаан байна.