“ТҮЦ МАШИН”-аас аж ахуйн нэгжийн татварын тодорхойлолтыг авах боломжтой

        Шинэчлэлийн засгийн газраас хэрэгжүүлж буй иргэдэд хүнд сурталгүй, хурдан шуурхай, хүртээмжтэй төрийн үйлчилгээ хүргэх ажлын хүрээнд Мэдээлийн технологи, шуудан харилцаа, холбооны газраас “Төрийн түгжрэлгүй үйлчилгээ”  үзүүлэх зорилгын дор “Төрийн үйлчилгээний цахим машин” буюу “ТҮЦ МАШИН”-ы эхний хэсгийг ашиглалтанд оруулсан.

“Иргэдэд үйлчлэх нэг цэгийн үйлчилгээ” төслийн хүрээнд Мэдээллийн технологи, шуудан, харилцаа холбооны газраас 74 ширхэг”ТҮЦ МАШИН”-ыг 2013-2014 онуудад байршуулна. Үүнээс 36 ширхэг нь Улаанбаатар хотод, 38 ширхэг нь аймгийн төвүүдэд суурилагдах юм.

Энэ оны байдлаар 120 ширхэг  ”ТҮЦ МАШИН” байрших бөгөөд Улаанбаатар хотын алслагдсан дүүрэг хороонд 78 ширхэг, аймгийн төвүүдэд 42 ширхэг “ТҮЦ МАШИН” тус тус нэмэгдэж байршснаар улсын хэмжээнд нийт 230 ширхэг “ТҮЦ МАШИН” иргэдэд үйлчилж байна.

Төрийн үйлчилгээний цахим машинаас олгогдох үйлчилгээ нь улсын бүртгэлийн ерөнхий газарт ашиглагддаг нууцлалын өндөр зэрэгтэй QR кодоор баталгаажсан үнэт цаасан дээр хэвлэгдэх бөгөөд ямар нэгэн байдлаар дууриалгах, хуулбарлах боломжгүй бөгөөд  “ТҮЦ МАШИН” нь төрийн бүхий л төрлийн үйлчилгээг хүргэх бөгөөд эхний байдлаар иргэний бүртгэлийн 6 төрлийн лавлагаа, Үндэсний татварын албаны 4 төрлийн лавлагаа болон аж ахуйн нэгжүүдийн үйлчилгээг хүргэж ажиллахаас одоогийн байдлаар ААНБ-ын татварын лавлагааг авах боломжтой юм. Түүнчлэн  өдөр тутмын сонингуудын захиалга, цахилгааны төлбөрийг ч “ТҮЦ МАШИН”-аар дамжуулан төлөх боломжтой юм.

Татварын алба

•    ААНБ-ын татварын лавлагаа

Иргэний бүртгэлийн үйлчилгээ:

•    Санал хүсэлт, өргөдөл гомдол
•    Төрсний бүртгэлийн лавлагаа
•    Иргэний үнэмлэхний лавлагаа
•    Оршин суугаа хаягийн тодорхойлолт
•    Гэрлэлт бүртгэлтэй тухай лавлагаа
•    Гэрлэлт цуцлалтын бүртгэлийн лавлагаа
•    Гэрлэлт бүртгэлгүй тухай лавлагаа

Монгол шуудан компанийн өдөр тутмын бүх төрлийн сонин захиалгаас гадна, үүрэн холбооны операторууд, кабелийн телевиз, IP телевизүүдийн үйлчилгээ төлбөр тооцооны үйлчилгээ, бусад яам агентлагийн лавлагаа, мэдээлийг хүргэнэ.
Улаанбаатар хотын хүн амын сууршилыг харгалзан 17 цэгт “ТҮЦ МАШИН”-ыг суурилуулсан. 
                         

“ТҮЦ МАШИН”-ы байршил

Баянзүрх дүүрэг

1.    14-р хороо, Хос худалдааны төв /Сандей плазагийн замын эсрэг талд/
2.    18-р хороо Офицеруудын ордон
3.    23-р хороо Хужирбулан /Дэлгүүр, үйлчилгээний газар/ Эрхэм-Бүрд ХХК/

Баянгол дүүрэг

1.    7-р хороо Төв вокзал

Сонгинохайрхан дүүрэг

1.    20-р хороо, Орбитын эцэс /Дэлгүүр, үйлчилгээний газар/ Зүүн-Алдар ХХК
2.    11-р хороо, Хөтөлийн буудал /Дэлгүүр, үйлчилгээний газар/ Томмянган ХХК
3.    16-р хороо, 32-ын буудал Миний дэлгүүр, Сонгино хангай ХХК
4.    31-р хороо, Хорооны байр

Сүхбаатар дүүрэг

1.    12-р хороо, 32-н тойрог, Номин худалдааны төв, Номин тав трейд ХХК
2.    Мэдээлэл технологийн үндэсний парк
3.    1-р хороо Төв шуудан, Монгол шуудан ТӨХК

Хан-Уул дүүрэг

1.    2-р хороо, Хан-Уул дүүргийн үйлчилгээний төв, Мөнх Суварга ХХК
2.    10-р хороо, Чингис хаан ОУНО-ы буудал
3.    8-р хороо, Яармагийн дэнж/Дэлгүүр, үйлчилгээний газар/ Татаал трейд ХХК

Чингэлтэй дүүрэг

1.    11-р хороо 17-ын дэлгүүр, Тэлмэн-Импекс хоршоо
2.    4-р хороо Тэнгис кино театр, Улаанбаатар Синема ХХК