БӨӨРӨЛЖҮҮТИЙН ЦАХИЛГААН СТАНЦ НЭГДҮГЭЭР САРЫН 6-НААС БҮРЭН ХҮЧИН ЧАДЛААР ЭРЧИМ ХҮЧ НИЙЛҮҮЛНЭ ДЭЛХИЙН ХАМГИЙН ӨНДӨР НАСТАЙ ХОСУУД ЭНЭ САРЫН 19-НД ГЭРЛЭЛТЭЭ БАТЛУУЛЖЭЭ МОНГОЛ УЛСЫН ЭНГИЙН ГАДААД ПАСПОРТТОЙ ИРГЭД 30 УЛСАД ВИЗГҮЙ ЗОРЧИЖ БАЙНА МОНГОЛ УЛСЫН ЭНГИЙН ГАДААД ПАСПОРТТОЙ ИРГЭД 30 УЛСАД ВИЗГҮЙ ЗОРЧИЖ БАЙНА БАГАНУУРЫН БАТАРЕЙ ХУРИМТЛУУРЫН СТАНЦ ТАВАН АЙМГИЙН ЦАХИЛГААНЫ ХЭРЭГЛЭЭГ ХАНГАХ ХҮЧИН ЧАДАЛТАЙ АЖ

Гадаад паспорт шинээр авахад үйлчилгээний нэгдсэн төвүүдэд хандах боломжтой

2016 оны 6 сарын 17
10

Улсын бүртгэл, статистикийн ерөнхий газраас бүртгэлийн үйлчилгээний шат дамжлагыг бууруулж, төрийн үйлчилгээг иргэдэд түргэн шуурхай хүргэх зорилтын хүрээнд Нийслэлийн үйлчилгээний нэгдсэн төвүүдэд гадаад паспортын үйлчилгээг өнөөдрөөс нэвтрүүлж эхэллээ.

Уг үйлчилгээ нь гадаад паспортын ачааллыг бууруулахаас гадна иргэдийн цаг завыг хэмнэх, төрийн үйлчилгээг иргэдэд түргэн шуурхай хүргэх олон давуу талтай. Тодруулбал, гадаад паспорт шинээр захиалах иргэдээс цээж зураг зайлшгүй шаарддаг байсан бол Дүнжингарав, Драгон, Мишээлд төвөөр үйлчлүүлэх иргэдээс гадаад паспортын зураг шаардахгүй бөгөөд бүртгэлийн ажилтан тухайн иргэний зургийг бүртгэл хийх үедээ авах юм.

Бэлэн болсон гадаад паспортын буцаан олголтыг иргэн өөрийн хүсэлтээр Монгол шуудан компаниар дамжуулан гэрийн болон ажлын хаягаараа авах боломжтойгоос гадна захиалсан газраасаа заасан хугацаанд авч болно.

Харин гадаад паспортын хугацааны сунгалтыг хийхгүй бөгөөд тус газрын Зуун айлд байрлах Гадаад паспортын хэлтэст хандаж сунгуулна.

Бүрдүүлэх материал:

1. Анх удаа авч байгаа бол:

-иргэний үнэмлэх

-төлбөр төлсөн баримт

2. Хүчинтэй байдал нь алдагдсан болон хугацаа нь дуусч дахин авах бол:

-хуучин гадаад паспорт

-иргэний үнэмлэх

-төлбөр төлсөн баримт

3. Гээж, үрэгдүүлсэн бол доорхи баримтыг бүрдүүлнэ.

-гээсэн гадаад паспорт

-иргэний үнэмлэх