УЛААНБААТАР ХОТЫН БҮЖГИЙН СПОРТЫН АВАРГА ШАЛГАРУУЛАХ ТЭМЦЭЭН МАРГААШ БОЛНО ГАДААДЫН ИРГЭН, ХАРЬЯАТЫН ГАЗАР БҮХ АНГИЛЛЫН ВИЗИЙГ ЦАХИМААР ОЛГОЖ ЭХЭЛЖЭЭ ГАЛДАНБОШИГТЫН ГУДАМЖ 32-ЫН ТОЙРГИЙН УУЛЗВАРААС БАЯНБҮРДИЙН ТОЙРОГ ХҮРТЭЛЖ АВТО ЗАМЫГ ШИНЭЖИЛЖ БАЙНА ӨНӨӨДӨР НУТГИЙН ЗҮҮН ХАГАСТ БОРОО, НОЙТОН ЦАС ОРНО П.НАРАНБАЯР: БАГШИЙН ХОМСДОЛ АРИЛГАХ АЖЛУУДЫГ ЗАСГИЙН ГАЗАРТ ТАНИЛЦУУЛЛАА

П.НАРАНБАЯР: БАГШИЙН ХОМСДОЛ АРИЛГАХ АЖЛУУДЫГ ЗАСГИЙН ГАЗАРТ ТАНИЛЦУУЛЛАА

Өчигдөр 16 цаг 0 минут
0

Сургуулийн өмнөх болон ерөнхий боловсролын сургуулийн зарим асуудал, багшийн хүрэлцээний талаар Боловсролын сайд П.Наранбаяр Засгийн газрын гишүүдэд танилцууллаа.
Багшлах хүний нөөцийг нэмэгдүүлэх чиглэлээр дараах арга хэмжээг үе шаттай хэрэгжүүлэхээр төлөвлөж, зарим арга хэмжээг эхлүүлээд байна. Үүнд:

Багш мэргэжлээр төгссөн ч ажил эрхлээгүй байгаа хүний нөөцийг ашиглах
Тэтгэвэрт гарсан багш нарыг цөөн цагаар ажиллуулах
Шинжлэх ухааны чиглэлээр их, дээд сургууль амжилттай төгссөн эсвэл 3-4 дүгээр ангид суралцаж байгаа оюутнуудыг багшийн ажилд татан оролцуулах
Сургалтын цагийн норм 19 цагт хүрдэггүй зарим багш нарыг хөрвүүлж, ижил төстэй хичээл заалгах
Багш бэлтгэх их, дээд сургуулийн төгсөх ангийн оюутнуудыг дадлагажигч багшаар ажиллуулах
Цахим сургалтыг багшийн дутагдал өндөр байдаг хичээл, сургалтад түлхүү ашиглах гэх мэт.

Эдгээр арга хэмжээнээс тэтгэвэрт гарсан багш нар болон багш бэлтгэх их, дээд сургуулийн дөрөвдүгээр ангийн оюутныг дадлагажуулагч багшаар ажиллуулах арга хэмжээг энэ хичээлийн жилээс эхлэн хэрэгжүүлж байгааг Боловсролын сайд танилцууллаа. 2024 оны наймдугаар сарын судалгаагаар улсын хэмжээнд цэцэрлэгийн бүлгийн 508 багш, 443 туслах багш дутагдалтай байна. Ерөнхий боловсролын сургуульд бага ангийн багш, хими, физик, биологи, англи хэл, математикийн нийт 4292 багш хэрэгтэй байна.