РЭНЧИНЛХҮМБЭ СУМЫН НУТАГТ 4.3 МАГНИТУДЫН ХҮЧТЭЙ ГАЗАР ХӨДЛӨЛТ БОЛЖЭЭ

Хөвсгөл аймгийн Рэнчинлхүмбэ сумын Далай зах 4-р багийн нутаг сумын төвөөс зүүн тийш 23км-т орших Арсайн буйраг хэмээх газар аравдугаар сарын 9-ний 20:15:39 цагт 4.3 магнитудын хүчтэй газар хөдлөлт болжээ.
Энэ тухай мэдээллийг мөн өдрийн 20:23 цагт Одон орон геофизикийн хүрээлэнгээс цахим шуудан болон газар хөдлөлтийн мэдээлэл дамжуулдаг дуут системээр ОБЕГ-т ирүүлсэн байна. 
Тус сумын Засаг даргаас тодруулахад сумын төвд чичирхийлэл мэдрэгдээгүй. Тус газрын ойролцоо малчин айл өрх байхгүй, учирсан хохирол байхгүй гэж ОБЕГ-т мэдэгджээ.