АШИГ СОНИРХЛЫН ЗӨРЧИЛД ХАМААРАХ 61 ГОМДОЛ, МЭДЭЭЛЛИЙГ ХЯНАН ШАЛГАВ ХӨШИГТИЙН ХӨНДИЙН ЧӨЛӨӨТ БҮСИЙН ШИНЭ ЗАХИРАГЧ ЗЭСИЙН БАЯЖМАЛ ХАЙЛУУЛАХ, БОЛОВСРУУЛАХ ҮЙЛДВЭР, “МӨРӨН” 4С АНГИЛЛЫН НИСЭХ БУУДАЛ, ЭГИЙН ГОЛЫН УСАН ЦАХИЛГААН СТАНЦ ЗЭРЭГ ТОМООХОН ТӨСӨЛ ХӨТӨЛБӨР ХЭРЭГЖҮҮЛНЭ ОНЦГОЙ БАЙДЛЫН БАЙГУУЛЛАГААС ТӨРСӨН ГЕНЕРАЛУУДТАЙ ТАНИЛЦ НИЙСЛЭЛИЙН ЗАСАГ ДАРГЫН ДЭРГЭДЭХ ДӨРВӨН ГАЗРЫГ ТАТАН БУУЛГААД БАЙНА

Ким Ир Сен Монгол Улсад айлчилсны 60 жилийн ойг тэмдэглэв

2016 оны 7 сарын 21
3

Энэ онд БНАСАУ-ын Ерөнхийлөгч Ким Ир Сен Монгол Улсад айлчилсны 60 жилийн ой болж байна.

Энэхүү ойтой холбогдуулан Монгол Улсын ЭСЯ, БНАСАУ-ын ГХЯ болон бусад холбогдох байгууллагууд хамтран ойн арга хэмжээг зохион байгууллаа.

Энэ сарын 17-ны өдөр Монгол Улсын ЭСЯ, БНАСАУ-ын Гадаадтай соёлоор харилцах хороотой хамтран кино өдөрлөг зохион байгуулав.

Уг өдөрлөгт БНАСАУ-ын “Их удирдагч нөхөр Ким Ир Сен-ий гадаад улсуудын удирдагчид, өндөр албан тушаалтнуудтай хийсэн уулзалтууд” хэмээх түүхэн баримтат киног үзүүллээ.

Тус арга хэмжээнд Монгол Улсын ЭСЯ-ны хэргийг түр хамаарагч Л.Хаш-Эрдэнэ тэргүүтэй дипломат ажилтнууд болон Монгол-Солонгосын найрамдлын нийгэмлэгийн дарга бөгөөд БНАСАУ-ын Гадаадтай соёлоор харилцах хорооны дэд дарга Пак Гён Ил болон холбогдох албаны хүмүүс, Пхеньян хотын иргэд оролцов.

Энэ сарын 19-ний өдөр Монгол Улсын ЭСЯ-ны хэргийг түр хамаарагч Л.Хаш-Эрдэнэ тэргүүтэй дипломат ажилтнууд суугаа орны Бэлэг дурсгалын музейд зочиллоо.

Тэд БНАСАУ-ын удирдагчдад БНАСАУ-ын иргэд болон БНСУ, Япон болон бусад улсад оршин суугаа солонгосчуудаас илгээсэн бэлэг дурсгалын зүйлүүдийг үзэж сонирхов.

Мөн өдөр ЭСЯ-ны хамт олон энэ онд шинээр ашиглалтад орсон Шинжлэх ухаан технологийн төвд зочиллоо.

Эх сурвалж: МОНЦАМЭ/ПХЕНЬЯН.KCNA/