УНАДАГ ДУГУЙН ДАШТ-Д МОНГОЛЫН 11 ТАМИРЧИН ОРОЛЦОНО
- schedule 2024 оны 9 сарын 12
- chat_bubble 0
Швейцар улсын Цюрих хотод мэргэжлийн дугуйн элит, холимог баг, бөөн болон ганцаарчилсан гараатай, өсвөр үеийнхний дэлхийн аварга шалгаруулах тэмцээн есдүгээр сарын 21-29-нд болно. Энэ тэмцээнд 50 орны 200 дугуйчин эрх авч оролцох бол манай улсаас Үндэсний шигшээ багийн дасгалжуулагч Т.Төгөлдөр, Э.Алтан-Очир нарын удирдлага дор нийт 11 тамирчин өрсөлдөхөөр бэлтгэл сургуулилтаа хангаж байна.
Тэмцээний элит ангилалд “Ханжоу-2022” Азийн наадмын хүрэл медальт, мэргэжлийн дугуйн Азийн АШТ-ий элит ангиллын мөнгө, хүрэл медальт, “Парис-2024” олимпын наадмын оролцогч С.Жамбалжамц, залуучуудын дэлхийн аварга, Ази тивийн мөнгө, хүрэл медальт, Б.Тэгшбаяр, УАШТ-ий алт, мөнгөн медальт Э.Билгүүнжаргал оролцох бол U23 ангилалд Б.Батбаатар, А.Даваажаргал, Х.Тэмүүлэн нар уралдана.
Тэгвэл эмэгтэйчүүдээс Азийн АШТ-ий хүрэл медальт Ц.Солонго, спортын мастер Ж.Анужин, Б.Энхмаа өрсөлдөх бол өсвөр үеийнхний хөвгүүдийн ангилалд Э.Хишигсайхан, А.Хүслэн хурд сорих юм. Онцолбол, Монголын эмэгтэй дугуйчид тус тэмцээний холимог багийн төрөлд анх удаа өрсөлдөх гэж байна.
Эх сурвалж: Биеийн тамир, спортын улсын хороо
Санал болгох
Сонин хачин
Уншиж байна ...