ШААРДЛАГА ТАВЬСАН ИРГЭНИЙГ БҮЛЭГЛЭН ЗОДСОН ХҮҮХДҮҮДИЙГ ШАЛГАЖ БАЙНА
- schedule Өчигдөр 13 цаг 56 минут
- chat_bubble 0
Өчигдөр буюу аравдугаар сарын 21-ны орой олноороо нийлж нэг хүнийг бүлэглэн зодож буй бичлэгийг цахим орчинд нэгэн иргэн нийтэлж дараах тайлбарыг бичсэн байв.
"Нийлж хүн алах нь байна шдээ. Аравдугаар сарын 21-ны 21:30 цагийн үед СХД 38-р хороо Залуус хорооллын голд 15-18 насны охид залуус орилж хашхираад байсан юм. Хажуугаар нь өнгөрсөн залуу орой болсон байхад яагаад орилж хашхираад байгаа юм гэхэд цаанаас нь нэг охин юу гээд байгаа *исда вэ! чамаар заалгах уу гээд залууг заамдаад авсан. Тэгсэн хамт явж байсан банди нар нь нийлж шаардлага тавьсан залууг зодлоо. Ар гэрийн хүмүүжил гэж байна уу, энэ хүүхдүүдэд?!" хэмээн бичиж хэргийн талаарх бичлэг нийтэлжээ.
Энэ талаар цагдаагийн байгууллагаас тодруулахад уг хэргийг гомдлын дагуу шалгаж байгаа гэлээ.
Санал болгох
Сонин хачин
Уншиж байна ...