ТЭТГЭВРИЙН ХЭМЖЭЭГ НЭГДҮГЭЭР САРЫН 1-НЭЭС ЗУРГААН ХУВИАР НЭМЭГДҮҮЛЛЭЭ ӨНӨӨДӨР БАЯНЗҮРХ ДҮҮРГИЙН ЗАРИМ ХОРООДОД ЦАХИЛГААН ХЯЗГААРЛАНА ЗГ: АГААРЫН БОХИРДЛЫН АСУУДЛЫГ ХЭЛЭЛЦЭЖ БАЙНА УЛААНБААТАРЫГ АМЬДРАХАД ТААТАЙ ХОТ БОЛГОХООР ХЭЛЭЛЦЖЭЭ ӨНӨӨДӨР БАРУУН АЙМГУУДЫН НУТГИЙН ЗАРИМ ГАЗРААР ЦАС ОРЖ, НУТГИЙН ХОЙД ХЭСГЭЭР ЦАСАН ШУУРГА ШУУРНА

ӨНӨӨДӨР БАРУУН АЙМГУУДЫН НУТГИЙН ЗАРИМ ГАЗРААР ЦАС ОРЖ, НУТГИЙН ХОЙД ХЭСГЭЭР ЦАСАН ШУУРГА ШУУРНА

Өнөөдөр 9 цаг 37 минут
0

Малчид, иргэд, тээвэрчдийн анхааралд:

18-нд баруун аймгуудын нутгийн зүүн хэсэг, төвийн аймгуудын нутгийн хойд хэсгээр, 19-нд төв болон говийн аймгуудын нутгийн зүүн хэсгээр цас орж, зам даваа гүвээнд халтиргаа гулгаа үүсэж, үзэгдэх орчин хязгаарлагдаж болзошгүйг анхааруулж байна.

Хур тунадас: Нутгийн зүүн хэсгээр үүлшинэ, бусад нутгаар солигдмол үүлтэй. Шөнөдөө баруун аймгуудын нутгийн зүүн, төвийн аймгуудын нутгийн баруун хойд хэсгээр, өдөртөө баруун аймгуудын нутгийн зүүн хойд, төвийн аймгуудын нутгийн хойд хэсгээр цас орно. Бусад нутгаар цас орохгүй.

Салхи: Нутгийн баруун хагаст баруун өмнөөс баруун хойш эргэж, бусад нутгаар баруун өмнөөс секундэд 5-10 метр.

Агаарын температур: Шөнөдөө Завхан голын эх, Тэс, Байдраг голын хөндийгөөр -29...-34 градус, Их нуурууд болон Дархадын хотгор, Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Халх голын хөндийгөөр -24...-29 градус, Хангайн нурууны өвөр бэл, говийн бүс нутгаар -13...-18 градус, бусад нутгаар -18…-23 градус, өдөртөө Их нуурууд болон Дархадын хотгор, Завхан голын эх, Идэр, Тэс, Байдраг, Ерөө голын хөндийгөөр -21…-26 градус, Монгол-Алтай, Хангай, Хөвсгөлийн уулархаг нутаг, Хүрэнбэлчир орчим, Орхон, Сэлэнгэ, Хараа, Туул, Тэрэлж, Хэрлэн голын хөндийгөөр -15…-20 градус, говийн бүс нутгийн өмнөд хэсэг, цас багатай энгэр ээвэр газраар -4...-9 градус, бусад нутгаар -10...-15 градус хүйтэн байна.

УЛААНБААТАР ХОТ ОРЧМООР: Шөнөдөө үүлшинэ, өдөртөө үүлэрхэг. Цас орохгүй. Салхи баруун өмнөөс секундэд 3-8 метр. Шөнөдөө Яармаг-Сонгины орчмоор -27...-29 градус, бусад хэсгээр -18...-20 градус, өдөртөө -12…-14 градус хүйтэн байна.

БАГАНУУР ОРЧМООР: Шөнөдөө үүлшинэ, өдөртөө үүлэрхэг. Цас орохгүй. Салхи баруун өмнөөс секундэд 4-9 метр. Шөнөдөө -27...-29 градус, өдөртөө -15…-17 градус хүйтэн байна.

ТЭРЭЛЖ ОРЧМООР: Шөнөдөө үүлшинэ, өдөртөө үүлэрхэг. Цас орохгүй. Салхи баруун өмнөөс секундэд 3-8 метр. Шөнөдөө -27...-29 градус, өдөртөө -15…-17 градус хүйтэн байна.