”ОРГИЛ РАШААН СУВИЛАЛ” ХХК ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР ШАГНУУЛЖЭЭ

“Оргил рашаан сувилал” компанийн түүхт 50 жилийн ойн баярын өдрийг тохиолдуулан 2024 оны арванхоёрдугаар сарын 13-ны өдөр Монгол Улсын Ерөнхийлөгчийн зарлигаар төрийн дээд шагнал “ХӨДӨЛМӨРИЙН ГАВЬЯАНЫ УЛААН ТУГИЙН ОДОН”-гоор шагналаа.

Түүнчлэн Оргил рашаан сувиллын нийт ажилтнуудаас олон жил хүн ардын эрүүл мэндийн төлөө үйлчилсэн тэдний эрүүлжин илааршихад оруулсан хувь нэмэр, ажлын амжилт, хөдөлмөр зүтгэлийг үнэлж Төрийн дээд шагналаар шагнасан байна. Үүнд:

• Хөдөлмөрийн гавьяаны улаан тугийн одонгоор Сувилагч Даанайн Наранцэцэг, Менежер Цэвэгдоржийн Байгалмаа;
• Алтан гадас одонгоор Гүйцэтгэх захирал Балганы Алтанчимэг, Сувилагч Пүрэвнамжилын Сэндмаа, Сувилагч Ядмаагийн Туяа, Угаагч Паламын Цэрэндолгор;
• Хөдөлмөрийн хүндэт медалиар Эмчилгээ эрхэлсэн дэд захирал Батсайханы Батзориг, Ахлах сувилагч Гомбын Хүрэлмаа, Сувилагч Бадарчийн Отгончимэг, АА албаны дарга Бямбасүрэнгийн Мөнхбаатар, Туслах сувилагч Батжаргалын Болортуяа, Үйлчилгээний ажилтан Чимэддоржийн Мөнх-Өлзий, Цэдэн-Ишийн Тошилхүү нар шагнуулсан байна.

Монгол хүний эрүүл мэнд, аюулгүй байдлыг сахин хамгаалах их үйлсэд үнэнчээр зүтгэж, ард түмнийхээ эрүүл, аз жаргалтай амьдрал, улс үндэстнийхээ аюулгүй байдлын төлөө улам их амжилт гаргахыг “Оргил рашаан сувилал” -ын нийт хамт олонд хүсэн ерөөе.