“Шарилжгүй Улаанбаатар”-ын хүрээнд Амгалангаас Толгойт өртөө хүртэлх хамгаалалтын бүсийн шарилжийг хадна

Улаанбаатар хотын Захирагчийн ажлын албанаас зохион байгуулж байгаа “Шарилжгүй Улаанбаатар” хөдөлгөөнд Монгол-Оросын хувь нийлүүлсэн нийгэмлэг Улаанбаатар Төмөр зам , “Монголын төмөр зам” ХХК, Хүүхдийн парк нэгдлээ.

“Шарилжгүй Улаанбаатар ” хөдөлгөөнд дээрх байгууллагууд төмөр замын Амгалан өртөөнөөс Толгойт өртөө хүртэлх хамгаалалтын бүс доторхи шарилжны анхны хадалтын ажлыг Улаанбаатар хотын Захирагчийн ажлын албанаас өгч буй мэргэжил аргазүйн зөвлөгөөний дагуу наймдугаар сарын 15-19-ний өдөр зохион байгуулахаар болов.

Цаашид уг ажлыг жил бүрийн 5-9 дүгээр сарын хооронд зохион байгуулахаар боллоо.

Энэхүү ажлын хүрээнд төмөр замын хамгаалалтын хоёр талын бүсийн дагуу есдүгээр сарын 25-наас мод тарих аж.