ЗОРЧИГЧИЙН ГАЛТ ТЭРЭГНИЙ ЦАГИЙН ХУВААРЬТ ДООРХ ӨӨРЧЛӨЛТ ОРЖЭЭ УЛААНБААТАР ХОТОД 168 МЯНГАН СУРАГЧ, 7.844 БАГШ ДҮҮРЭГ ХООРОНД ЗОРЧИЖ БАЙНА ”ЗЭЭЛИЙН МЭДЭЭЛЛИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ” ХУУЛИЙН ТӨСӨЛ БОЛОН ХАМТ ӨРГӨН МЭДҮҮЛСЭН ТОГТООЛЫН ТӨСЛИЙГ ХЭЛЭЛЦЭХИЙГ УИХ ДЭМЖЛЭЭ “ТӨГРӨГ НУУР” ОРДТОЙ ХОЛБООТОЙ ТАТВАР ТӨЛӨХӨӨС ЗАЙЛСХИЙХ, МӨНГӨ УГААХ, ЗАЛИЛАХ, АВЛИГА, АШИГ СОНИРХЛЫН ЗӨРЧИЛ ҮҮСГЭСЭН БАЙЖ БОЛЗОШГҮЙ АСУУДЛЫГ ШАЛГУУЛНА УЛААНБААТАР ХОТЫН ЦИРК ТӨВ ТАЛБАЙД ТОГЛОХ ХӨТӨЛБӨР

ХУБИЛАЙ ХААНЫ ҮЕД ХАМААРАХ ТҮҮХ, СОЁЛЫН БИЕТ ӨВ 3 ШИРХЭГ ХҮРЭЛ ТОЛИЙГ УЛСЫН ХИЛЭЭР ХУУЛЬ БУСААР ГАРГАХ ГЭЖ БАЙСНЫГ ИЛРҮҮЛЛЭЭ

2025 оны 4 сарын 7
0

Өнгөрсөн нэгдүгээр сард Сэлэнгэ аймгийн Алтанбулаг боомтоор ОХУ-руу зорчиж байсан Монгол Улсын иргэн Э-гийн гар тээшинд гаалийн байгууллагын алба хаагчид нарийвчилсан үзлэг, шалгалт хийж, түүх соёлын дурсгалт зүйл байж болзошгүй гурван ширхэг хүрэл толийг илрүүлэн, хурааж авчээ.

Тэдгээрийг шинжлүүлэхээр Соёлын өвийн үндэсний төвд хандахад Монголын эзэнт гүрний 5 дахь их хаан Хубилай хааны үе буюу 1268-1338 онд хамаарах түүх соёлын хөдлөх дурсгалт зүйл, соёлын биет өвд хамаарч байгааг тогтоосон байна.

Тодруулбал, Соёлын өвийн Үндэсний төвийн шинжээчдийн дүгнэлтээр “13,4-13,9 см-ийн диаметр бүхий, 351-406 гр-ийн жинтэй тус гурван хүрэл толь нь Zhiyuan sinian 4-р он буюу Монголын эзэнт гүрний үеийн Хубилай хааны үед хамаарах хос луутай бадамлянхуа хийцийн толины төрөлд багтана. Хийцлэлийн хувьд Хубилай хааны Юань гүрний үед холбогдох бөгөөд зэврэлийн төрөл зүйл нь архелогийн малтлагаас илэрсэн шинж тэмдэггүй, түүвэр эсвэл гар дамжин ирсэн хөндий зайн агаарын орчинд он удаан жилийн туршид үүссэн байна” гэж гарчээ.

Одоогоор тус гурван хүрэл толийг холбогдох хууль, хяналтын байгууллагад шилжүүлсэн ба хяналт, шалгалтын ажиллагаа үргэлжилж байна.