ЗОРЧИГЧИЙН ГАЛТ ТЭРЭГНИЙ ЦАГИЙН ХУВААРЬТ ДООРХ ӨӨРЧЛӨЛТ ОРЖЭЭ УЛААНБААТАР ХОТОД 168 МЯНГАН СУРАГЧ, 7.844 БАГШ ДҮҮРЭГ ХООРОНД ЗОРЧИЖ БАЙНА ”ЗЭЭЛИЙН МЭДЭЭЛЛИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ” ХУУЛИЙН ТӨСӨЛ БОЛОН ХАМТ ӨРГӨН МЭДҮҮЛСЭН ТОГТООЛЫН ТӨСЛИЙГ ХЭЛЭЛЦЭХИЙГ УИХ ДЭМЖЛЭЭ “ТӨГРӨГ НУУР” ОРДТОЙ ХОЛБООТОЙ ТАТВАР ТӨЛӨХӨӨС ЗАЙЛСХИЙХ, МӨНГӨ УГААХ, ЗАЛИЛАХ, АВЛИГА, АШИГ СОНИРХЛЫН ЗӨРЧИЛ ҮҮСГЭСЭН БАЙЖ БОЛЗОШГҮЙ АСУУДЛЫГ ШАЛГУУЛНА УЛААНБААТАР ХОТЫН ЦИРК ТӨВ ТАЛБАЙД ТОГЛОХ ХӨТӨЛБӨР

БҮХ НИЙТИЙН ИХ ЦЭВЭРЛЭГЭЭГЭЭР 5.2 САЯ АМ МЕТР ТАЛБАЙГААС 39.200 ТОНН ХОГ ХАЯГДЛЫГ ЦЭВЭРЛЭЖЭЭ

2025 оны 4 сарын 7
0

Улаанбаатар хотын Захирагчийн ажлын албанаас энэ жил нийт зургаан их цэвэрлэгээг зохион байгуулахаар төлөвлөсөн. Энэ хүрээнд ээлжит бүх нийтийн их цэвэрлэгээг гуравдугаар сарын 22-ны өдрөөс эхлүүлж, дөрөвдүгээр сарын 12-ныг хүртэл гурван үе шаттай зохион байгуулж байна. Энэ талаар УБЗАА-ны Орчны бохирдол, хог хаягдал, удирдлагын хэлтсийн дарга Б.Мөнх-Эрдэнээс тодрууллаа.

Тэрбээр “Иргэдийн ая тухтай, эрүүл аюулгүй орчинд ажиллаж, амьдрах орчин нөхцөлийг бүрдүүлэх зорилгоор хаврын бүх нийтийн их цэвэрлэгээг гурван үе шаттай эхлүүлсэн. Нийслэлд үйл ажиллагаа явуулж буй 70 мянга гаруй аж ахуйн нэгжээс 20 мянга гаруй нь их цэвэрлэгээнд идэвхтэй оролцож байна. Мөн 1000 гаруй СӨХ, төрийн 430, бизнесийн 2411, ерөнхий боловсролын 201 сургууль, 178 цэцэрлэг зэрэг нийт 4000 гаруй байгууллагын ажилтан, албан хаагч их цэвэрлэгээнд нэгдсэн. Нийт 14 хоногийн хугацаанд 50 мянган метр хайс хашаа угааж, 94 мянган га газрын ногоон зүлэгт цэвэрлэгээ хийж, 5.2 сая ам метр талбайгаас 39.200 тонн хог хаягдлыг цэвэрлээд байна. Их цэвэрлэгээнд идэвхтэй оролцож байгаа аж ахуйн нэгж, албан байгууллагуудад, иргэддээ баярлалаа” гэлээ.

Мөн ААН байгууллагууд орчны 50 метр газраа байнга цэвэрлэх, хогийг ангилан ялгах, зам талбайн чийгтэй цэвэрлэгээг тогтмол хийж байхыг УБЗАА-аас уриаллаа.