“Гоо марал- 2013”-ын эзэд тодорлоо

        1996 оноос эхтэй Монголын урлагийн тэргүүн дээд шагнал гардуулах “Гоо марал” ёслолын ажиллагаа гурван жил тутамд хамгийн богино өдөр, урт шөнө буюу 12 дугаар сарын 22-нд болдог уламжлалтай. Зургаа дахь удаагийн “Гоо марал”  ёслолын ажиллагаа энэ жил УДЭТеатрын тайзнаа боллоо. Сүүлийн гурван жилд бүтээн туурвиж, үзэгчдийн хүртээл болгосон урлагын бүтээлүүд 12 шагналд нэр дэвшин өрсөлдлөө.

Ингээд “Гоо марал 2013” шагнал авсан бүтээлүүдийг танилцуулья.

1.    Утга зохиолын шилдэг бүтээл:

- Д.Жамьян “Чингис хаан зөн билгийн роман”

2.    Жүжгийн урлагийн шилдэг бүтээл:

- Улсын драмын эрдмийн театрын “Кихот ноён” сонгодог жүжиг

3.    Бүжгийн урлагийн шилдэг бүтээл:

-  Үндэсний дуу бүжгийн эрдмийн чуулга

“Монголын их хатад” бүжгэн туульс

4.    Радиогийн шилдэг бүтээл:

- МҮОНР Монгол хэлний хичээл радио реалити шоу

5.    Телевизийн шилдэг бүтээл:

 - “Hero” энтертаймэнт студи “Монгол тулгатны зуун эрхэм” нэвтрүүлэг

6.    Хөгжмийн урлагийн шилдэг бүтээл:

 - Х.Мөнх-Ертөнц “Төгөлдөр хуур найрал хөгжмийн хоёрдугаар концерт”

7.    Дууны урлагийн шилдэг бүтээл:

- Дуурь бүжгийн эрдмийн театр “Кармен” дуурь

8.    Дэлгэцийн урлагийн шилдэг бүтээл:

- “Wisdom film” кино продакшн, найруулагч Ж.Сэнгэдоржийн бүтээл

“Бодлын хулгайч” уран сайхны кино

9.    Дүрслэх урлагийн шилдэг бүтээл:

 - Зураач Ж.Мөнхцэцэг “SOS” дуу авиатай зөөлөн баримал үзэсгэлэн

10.  Циркийн шилдэг бүтээл:

- Монголын циркийн хөгжлийн сан

11.  Монголын урлагт шинэ урсгал оруулж ирсэн учир:

- “Black Box” лаборатори театр Дэлхийн сонгодог жүжгийн эмхэтгэл

12.  Монголын урлагийг дэлхий дахинд сурталчилсан учир:

- “Домог”  хамтлаг

2010 оны “Гоо марал” шагналтнууд

1.       Кино урлагийн шилдэг бүтээл - С.Бямба “Хүсэл шунал” баримтат кино

2.       Утга зохиолын шилдэг бүтээл - Г.Аюурзана “Бөөгийн домог” ном

3.       Телевизийн шилдэг бүтээл – МҮОНТ-ийн “Тусгай салаа” телевизийн олон ангит кино

4.       Радиогийн шилдэг бүтээл - Улаанбаатар радио “Хунт нуур” радио зохиомж

5.       Драмын урлагийн шилдэг бүтээл - Б.Лхагвасүрэнгийн зохиол УДЭТ-ийн “Атга нөж” жүжиг

6.       Дуулалт жүжгийн шилдэг бүтээл - УДЭТ-ийн “Парисын дарь эхийн сүм” жүжиг

7.       Циркийн урлагийн шилдэг бүтээл - Шинэ цирк төв “Хос хун дууль”

8.       Шилдэг байгууламж - н.Эрдэмбилэг “Цонжинболдог” цогцолбор

9.       Үндэсний урлагт шинэ урсгал оруулсан - “Бөртэ” хамтлаг

10.   Хөгжмийн урлагийн шилдэг бүтээл - н.Өлзийбаяр “Төгөлдөр хуурын Таккота”

11.   Бүжгийн урлагийн шилдэг бүтээл - ҮДБЭЧ “Нүүдэл” бүжгэн жүжиг

12.   Дүрслэх урлагийн шилдэг бүтээл – Л.Болд “Чингисийн цогцолбор”

13.   Сонгодог урлагийн шилдэг бүтээл – Улсын дуурь бүжгийн эрдмийн театрын “Нойрссон гүнж”

14.   Шилдэг тоглолт - МУГЖ Т.Ариунаа “Гайхамшигт үдэш”

15.   Монголын урлагийг дэлхийд сурталчилсан - “Морин хуурын чуулга”