“ИРГЭНИЙ ШҮҮХИЙН ШИЙДВЭР ГҮЙЦЭТГЭЛИЙН ЭРХ ЗҮЙН ОРЧНЫГ БОЛОВСРОНГУЙ БОЛГОХ НЬ” СЭДЭВТ ОЛОН УЛСЫН ОНОЛ, ПРАКТИКИЙН ХУРАЛД ОРОЛЦЛОО

Улсын Их Хурлын Хууль зүйн байнгын хороо, Европын сэргээн босголт хөгжлийн банк хамтран зохион байгуулсан “Иргэний шүүхийн шийдвэр гүйцэтгэлийн эрх зүйн орчныг боловсронгуй болгох нь” сэдэвт олон улсын онол, практикийн хурлыг 2025 оны 01 дүгээр сарын 15-ны өдөр Төрийн ордонд зохион байгууллаа.

Монгол Улсад иргэний шийдвэр гүйцэтгэлийн үр нөлөөг дээшлүүлэх шинэчлэлийн шаардлага, арга замын талаар Улсын Их Хурлын Хууль зүйн байнгын хорооны гишүүд, Хууль зүй, дотоод хэргийн яам, Монгол Улсын Дээд шүүх, Шүүхийн шийдвэр гүйцэтгэх ерөнхий газар, Европын сэргээн босголт хөгжлийн банк, Жижиг, дунд үйлдвэрлэл эрхлэгчдийн төлөөлөл, иргэний шийдвэр гүйцэтгэх ажиллагаанд оролцогч талууд, өмгөөлөгчдийн төлөөллийг оролцуулан нээлттэй хэлэлцүүллээ.

Уг хуралд Шүүхийн шийдвэр гүйцэтгэх ерөнхий газрын дэд дарга бөгөөд Шийдвэр гүйцэтгэх албаны дарга, ерөнхий шийдвэр гүйцэтгэгч, хурандаа Б.Нямгомбо “Иргэний шийдвэр гүйцэтгэх ажиллагааны өнөөгийн байдал, тулгамдаж буй асуудал, шинэчлэлийн хэрэгцээ, шаардлага” сэдвээр илтгэл хэлэлцүүллээ.