ЦЕГ: МАШИН МӨРГӨСӨН ЖОЛООЧ АРХИ, МАНСУУРУУЛАХ БОДИС ХЭРЭГЛЭЭГҮЙ АТГ-ЫН МӨРДӨН ШАЛГАХ ХЭЛТСЭЭС ЗУРГААН ОБЪЕКТОД НЭГЖЛЭГ ХИЙЖЭЭ САЙЖРУУЛСАН ТҮЛШНИЙ МИДЛИНГ, БАРЬЦАЛДУУЛАГЧ ӨНГӨРСӨН ОНУУДТАЙ ХАРЬЦУУЛАХАД МУУДСАН ГЭХ ДҮГНЭЛТ ГАРЧЭЭ СЭРЭМЖЛҮҮЛЭГ: НУУРЫН МӨСӨНД ЦӨМӨРЧ ОРСОН АВТОМАШИНУУДЫГ ТАТАН ГАРГАЖЭЭ ГЭР ХОРООЛЛЫГ ОРОН СУУЦЖУУЛАХ АЖЛЫГ З.ТӨМӨРТӨМӨӨ ХАРИУЦНА

ӨНӨӨДӨР ИХЭНХ НУТГААР ЦАГ АГААР ТОГТУУН, ГОВЬ, ТАЛ, ХЭЭРИЙН НУТГААР САЛХИТАЙ БАЙНА

2025 оны 1 сарын 6
0

Малчид, иргэд, тээвэрчдэд зориулсан мэдээ:

6-8-нд ихэнх нутгаар цаг агаар тогтуун, говь, тал, хээрийн нутгаар салхитай байна.

Хур тунадас: Нутгийн төв хэсгээр багавтар үүлтэй, бусад нутгаар солигдмол үүлтэй. Хэнтийн уулархаг нутаг, Дорнод-Дарьгангын тал нутаг, Халх голын хөндийгөөр цас орно. Бусад нутгаар цас орохгүй.

Салхи: Ихэнх нутгаар баруун хойноос секундэд 5-10 метр, говь, тал, хээрийн нутгаар секундэд 12-14 метр хүрч ширүүснэ.

Агаарын температур: Шөнөдөө Увс нуурын хотгор, Завхан голын эх, Идэр, Тэс, Байдраг голын хөндийгөөр -35...-40 градус, Их нуурууд болон Дархадын хотгор, Монгол-Алтай, Хангай, Хөвсгөлийн уулархаг нутаг, Хүрэнбэлчир орчим, Эг, Үүр, Хараа, Ерөө, Туул голын хөндийгөөр -26...-31 градус, Хангайн нурууны өвөр бэл болон говийн бүс нутгийн өмнөд хэсгээр -10...-15 градус, говийн бүс нутгийн хойд хэсэг, Дорнодын тал нутгаар -15...-20 градус, бусад нутгаар -20…-25 градус, өдөртөө Увс нуур болон Дархадын хотгор, Завхан голын эх, Тэс, Байдраг голын хөндийгөөр -25…-30 градус, Хөвсгөлийн уулархаг нутаг, Хүрэнбэлчир орчим, Идэр голын хөндийгөөр -19…-24 градус, Их нууруудын хотгор, Монгол-Алтайн уулархаг нутаг, Эг, Үүр голын хөндийгөөр -13…-18 градус, Хангайн нурууны өвөр бэл, говийн бүс нутгийн өмнөд хэсэг болон цас багатай газраар 0...-5 градус, бусад нутгаар -7...-12 градус хүйтэн байна.

УЛААНБААТАР ХОТ ОРЧМООР: Үүлшинэ. Цас орохгүй. Салхи баруун хойноос секундэд 4-9 метр. Шөнөдөө Яармаг-Сонгины орчмоор -26...-28 градус, бусад хэсгээр -20...-22 градус, өдөртөө -10…-12 градус хүйтэн байна.

БАГАНУУР ОРЧМООР: Багавтар үүлтэй. Цас орохгүй. Салхи баруун хойноос секундэд 5-10 метр. Шөнөдөө -21...-23 градус, өдөртөө -7…-9 градус хүйтэн байна.

ТЭРЭЛЖ ОРЧМООР: Үүлшинэ. Цас орохгүй. Салхи баруун хойноос секундэд 4-9 метр. Шөнөдөө -23...-25 градус, өдөртөө -7…-9 градус хүйтэн байна.