ҮҮСМЭЛ ОРДУУД ДЭЭР АВЧ ХЭРЭГЖҮҮЛЭХ АРГА ХЭМЖЭЭНИЙ ТУХАЙ ЗАСГИЙН ГАЗРЫН ТОГТООЛЫН ТӨСЛИЙГ БАТАЛЛАА МӨРӨНГӨӨС БНСУ РУУ ОЛОН УЛСЫН ШУУД НИСЛЭГ ҮЙЛДЭХ НӨХЦӨЛИЙГ БҮРДҮҮЛЖ, НИСЭХ БУУДЛЫГ ӨРГӨТГӨХӨӨР ШИЙДВЭРЛЭСЭН ХАНХ-МОНД БООМТЫН ӨРГӨТГӨЛ, ШИНЭЧЛЭЛИЙН АЖЛЫГ ЭХЛҮҮЛНЭ П.НАРАНБАЯР: БОЛОВСРОЛЫН ЗЭЭЛИЙН САНГИЙН ЖУРАМ ШИНЭЧЛЭГДЭЖ, ЗАСГИЙН ГАЗРЫН ТОГТООЛ ГАРЛАА ГССҮТ-Д ХАМГИЙН СҮҮЛИЙН ҮЕИЙН ӨНДӨР ҮЗҮҮЛЭЛТ, ХҮЧИН ЧАДАЛ БҮХИЙ MRI АППАРАТЫГ СУУРИЛУУЛЛАА

ГССҮТ-Д ХАМГИЙН СҮҮЛИЙН ҮЕИЙН ӨНДӨР ҮЗҮҮЛЭЛТ, ХҮЧИН ЧАДАЛ БҮХИЙ MRI АППАРАТЫГ СУУРИЛУУЛЛАА

Өнөөдөр 12 цаг 25 минут
0

Эрүүл мэндийн яамны хөрөнгө оруулалтаар олон улсад хүлээн зөвшөөрөгдсөн, хамгийн сүүлийн үеийн дэвшилтэт технологи болох MRI /Соронзон үелзүүрт томографи/ шинжилгээний аппаратыг Гэмтэл согог судлалын үндэсний төвийн Дүрс оношилгооны тасагт суурилуулж, тус хэсгийн бүх өрөөг шинэчлэн засварлаж тусламж үйлчилгээнд ашиглаж эхэллээ.

Энэхүү MRI шинжилгээний аппаратыг ХБНГУ-ын “SIEMENS HEALTHINEERS” брэндийн албан ёсны дистрибьютер болох “Setunari” ХХК-ийн Монгол инженерүүд угсарч, суурилуулсан байна.

Тус аппарат нь 1.5Т хүчин чадалтай бөгөөд мөр, тохой, хөлийн тавхай зэрэг жижиг хэсгийн зургийг ч чанарын өндөр түвшинд, илүү нарийвчилсан байдлаар гаргах дэвшилтэт технологи ажээ.

Түүнчлэн аппарат нь радиус томтой тул жин ихтэй /180 кг хүртэлх/ үйлчлүүлэгчид шинжилгээ хийх боломжтойгоороо давуу талтай бөгөөд спортын гэмтэл, тэр дундаа үндэсний бөхийн тамирчдын хувьд эмнэлгийн тусламж үйлчилгээг цогцоор нь авах таатай нөхцөл бүрдэж байна.

Ийнхүү ГССҮТ-ийн дүрслэл оношилгоо шинжилгээний чадамж нэг үзүүлэлтээр дээшилж, үйлчлүүлэгч нарийн шинжилгээг богино хугацаанд хурдан шуурхай авах боломж бүрдлээ.