Дэлхийн хамгийн хурдан амьтад

Энэхүү жагсаалтад хамгийн хурдан амьтадыг төрөл зүйлээр нь төлөөлүүлэн гаргажээ.

Мэдээж эхний байруудад муурын овгийн олон амьтад, дараа нь тэдгээрээс зугтдаг зээр, гөрөөсний олон төрлүүд байх хэдий ч ганц хоёрыг төлөөлүүлэн оруулжээ.

25. Анааш - 51км/цаг

Манай гарагийн хөхтөн амьтадын хамгийн өндөр хийгээд хэвэгч амьтадын хамгийн том нь бол анааш. Маш урт хүзүүтэй урт хөлтэй үлэмж том амьтадыг удаан явдаг амьтад гэж бүү бодоорой. Тэд цагт 51 цагийн хурдтай давхих чадвартай юм байна.

24. Гризли Баавгай – 56 км/цаг

Баавгайг болхи удаан, хөдөлгөөнтэй гэж хүн андуу боддог. Үлгэр домогт тэгж гардаг. Гэвч амьдрал дээр гризли баавгай хоол хүнсний төлөө яахаас ч буцахгүй ширүүн догшин амьтан юм. Тэд ангаа барихын тулд цагт 56 км цагийн хурд гаргаж чаддаг гэнэ.

23. Цөөвөр чоно – 56 км/цаг

Африкаас Евроазийн өмнөд хэсэгт жижиг биетэй чонын нэг төрөл цөөвөр чоно байдаг. Энэ үнэг шиг бие галбиртай цөөвөр чоно бол нохой, чоно, койотын ойрын төрлийн амьтан бөгөөд цагт 56 км цаг хурдалдаг байна.

22. Луус буга  – 56 км/цаг

Хойд Америкийн баруун хэсэгт амьдардаг луус буга сүүлийн жилүүдэд Аргентинд нутагшиж байгаа. Өвсөн тэжээлт хөхтөн амьтадын амиа хамгаалах гол арга бол хурд. Тиймээс луус буга үхлээс мултрахын тулд 56 км цагийн хурдтай давхиж чаддаг ажэ.

21. Гончие – 63 км/цаг

Гончие үүлдрийн нохой жижиг биетэй боловч дэлхийн хамгийн хурдан нохойны нэг бөгөөд цагт 63 км хурдалдаг. Энэ нохой Английн хамгийн хурдан Whippet үүлдрийн нохойноос гаралтай гэнэ.

20. Хулан – 64 км/цаг

Дэлхийн улаан номонд бүртгэгдсэн энэ ховор амьтан Монголын говь болон Хятадын /Өвөрмонголын/ хойд хэсгээр нүүдэллэн амьдардаг. Хулан үргэж дайжихаараа цагт 64/км-ийн хурдтай давхидаг.

19. Эрээн тахь – 64 км/цаг

Амьтадын хүрээлэнг чимдэг эрээн тахь амьдрал дээр зөвхөн Африкт байдаг бөгөөд цагт 64 км хурдан давхидаг ажээ.

18. Гиена – 64 км/цаг

Африкийн бас нэг цөөвөр чоно гиена бол сэгээр хооллогч байгалийн цэвэрлэгч амьтан юм. Хүн шиг хи хи хэмээн дуу авиа гаргадаг сүргээрээ амьдардаг энэ араатны эрүү арслангаас ч хүчтэй. Гиена цагт 64 км хурдалж чаддаг байна.

17.  Томсоны зээр – 65 км/цаг

Шотландын геологич, аялагч Жозеф Томсоны нэрээр нэрлэгдсэн Африкийн нэгэн төрлийн зээр араатан амьтадаас зугтахын тулд цагт 65 км хурдалдаг гэнэ. Шеренгетид голдуу амьдардаг энэ зээр хамгийн өргөн тархсан амьтадын нэг бөгөөд тэдний тоог ойролцоогоор 500 мянгаас давсан гэж баримжаалдаг байна.

16. Саарал үнэг – 67.5 км/цаг

Саарал үнэгийг гэрийн нохойны хамгийн өөрийн төрөл гэж үздэг. Арьс үснээсээ болж агнагдсаар одоо ховор амьтадын нэг болжээ. Саарал үнэг том махчин амьтадаас биеэ хамгаалах зорилгоор цагт 67.5 км цаг хурдалдаг нь тогтоогджээ.

15. Уралдааны нохой Greyhound – 69 км/цаг

Гэрийн тэжээвэр амьтадаас хамгийн хурдан амьтадын нэг. Энэ нохойг зөвхөн уралдаанд уралдуулах зорилгоор гаргаж авсан үүлдэр. Greyhound 69 км/цагийн хурдтай давхиж чаддаг айхтар хурдан амьтан. Харин 250 м-ээс цааш 30 минутын турш дунджаар 32 км/цаг хурдалдаг. Богино зайд гепардны дараа орох хурдыг гаргадаг.

14. Онагр – 69 км/цаг

Адууны өвгийн нэгэн төрлийн төлөөлөгч онагр цагт 69 км хурдалдаг. Арабын элсэн цөлөөс Монголын говь хүртэл нутагт тархан амьдарч байсан энэ зэрлэг амьтан одоо Дундад Азийн /Иран/ элсэн цөлөөр амьдарч байна. Монголын хулангийн нэг төрөл.

13. Койот /Хойд Америкийн чоно/  – 69 км/цаг

Чоно 69 км/цаг хурдалдаг нь хээрийн ан амьтан хийгээд гэрийн тэжээмэл бүх амьтадыг идэх боломжтой гэсэн үг.

12. Тэмээн хяруул – 70 км/цаг

Дэлхийн хамгийн том хамгийн хурдан шувуу тэмээн хяруул цагт 70 м хурдан гүйж чаддаг юм. Харин тэр нисч чаддаггүйг хүн бүр мэднэ.

11. Улаан имж – 71 км/цаг

Зөвхөн Австрали тивд амьдардаг олон төрлийн имжнүүдээс хамгийн том, хамгийн хурдан нь улаан имж юм байна. Эдгээр амьтад цагт 71 км-ийн хурдтай дэгдэн явж чаддаг ба  энэ урдаа 2 км-ийн зайд хадгалж чаддаг аж. Ингэхдээ энэ амьтан хамгийн бага энерги зарцуулдаг гэнэ.

10. Африкийн толбот зэрлэг нохой / Lycaon pictus/ - 72 км/цаг

Цөөвөр чоно хеана шиг харагдаж байга хэдий ч энэ бол чоно биш зэрлэг нохой ажээ. Африкийн өмнөд хэсгээс төв хэсэгт тархан амьдардаг энэ амьтаныг олон янзын нэрээр нэрлэгддэг байна. сүргээрээ амьдардаг энэ зэрлэг нохой цагт 72 км хурдлах чадвартай гэнэ.

9. Буга – 72 км/цаг

Хойд Америк, Зүүн Азийн нутгаар голлон амьдардаг буга бусад төрлүүдээсээ хоёрт орох том зйүл нь юм. Энэ буга махчин амьтад /чоно/-аас биеэ хамгаалж зугтахын тулд цагт 72 км-ийн хурд гаргах чадалтай нэгэн аж.

8. Хар сүүлт туулай  – 72 км/цаг

Туулай яст мэлхийн тухай үлгэрийг санаж байна уу. Гэхдээ энэ бол үлгэр юм. Үнэн хэрэг дээрээ энэ туулай цагт 72 км хурдлах чадвартай бөгөөд санаад багтамгүй 3 м хүртэл хол хайрайж чаддаг байна.

7. Арслан – 80 км/цаг

Муурийн овгийн хоёр дахь том амьтан араатны хаан маань цагт 80 км хурдлах чадвартай байдаг ажээ.

6. Ороонго гөрөөс буюу Blackbuck  – 80 км/цаг

Байгаль хамгаалах олон улсын байгууллагын ховордож буй зүйлийн жагсаалтад орсон “энэтхэгийн буга гөрөөс” нь цагт 80 км-ийн хурдтай давхих чадвартай. Энэтхэгт амьдардаг энэ гөрөөсийг ороонго гэж монголоор нэрлэдэг байх. Тэр ийм хурдыг үзүүлж байж чоно, муурын төрлийн зэрлэг амьтадаас аврагдана.

5. Гну гөрөөс /адуун үхэр/ – 80 км/цаг

Үргэлжийн мөнх давхих заяатай мэт Өмнөд Африкийн энэ гну гөрөөс цагт 80 км хурдлах чадвартай юм байна.

4. Уралдааны морь – 88 км/цаг

Сайн уягдсан уралдааны морьд 88 км цагийн хурд үзүүлдэг гэнэ.

3. Спрингбок гөрөөс – 100 км/цаг

Спрингбок буюу үсэрдэг гэдэг үгнээс гаралтай зэрлэг ямаа ч гэж болох гөрөөс нь дэлхийн хамгийн хурдан амьтаны нэг ажээ. 150-190 см-ийн урттай, 70-90 см-ийн өндөртөй энэхүү гөрөөс махчидаас зугтахын тулд 4 м хол харайж, 100 км/цагийн хурд үзүүлэн давхидаг аж.

2. Пронхорм буга – 98 км/цаг

Хойд Америкийн төв болон баруун нутгаар нутагладаг энэ бугын талаар хангалттай үнэн мэдээлэл байхгүй. Гэсэн хэдий ч энэ буга 98 км/цагийн хурдтай давхидаг гэж тэмдэглэжээ. Зарим судлаачид үүнээс илүү хурд гаргах чадвартай гэж үздэг байна.

1.Гепард – 100 км/цаг

Манай дэлхийн хамгийн хурдан хөхтөн амьтанаар гепард тодорчээ. Тэр ангаа барихдаа өндөр хурдаар гэндүүлэн довтолдог бөгөөд ингэхдээ цагт 121 км-ийн хурд гаргаж байжээ. Гэхдээ энэ хурдыг 500 м дотор гаргана. 5 секундын дотор 100 км/цагийн хурд гаргадаг нь орчин үеийн супер хурдан машинуудтай дөхөж очино гэсэн үг.