ӨНӨӨДӨР 1,072 ХУВЬЦАА ЭЗЭМШИГЧ ИРГЭН БҮРД 135 МЯНГАН ТӨГРӨГ ОЛГОНО ГЭР ХОРООЛЛЫН СУЛ ШОРООН ХӨРСТЭЙ ГУДАМЖИЙГ ЗҮЛЭГЖҮҮЛЭХЭД ХОТ БОДЛОГООР ДЭМЖИН ОРОЛЦОНО С.ЭНХБААТАР: ШҮҮХ НЬ ИРГЭДИЙН ИТГЭЛИЙГ ДААСАН БАЙГУУЛЛАГА БАЙХ ЁСТОЙ Л.ОЮУН-ЭРДЭНЭ: ҮНДЭСНИЙ БАЯЛГИЙН САНГИЙН ХУУЛЬ ХЭРЭГЖИЖ ЭХЛЭЭД ЭХНИЙ ҮР ДҮН ГАРЧ БАЙНА Н.УЧРАЛ: НЭГ ИРГЭНД НОГДОХ ₮135 МЯНГЫГ БОЛОВСРОЛ, ЭРҮҮЛ МЭНДДЭЭ ЗАРЦУУЛАХ БОЛОМЖТОЙ

ТОМУУГИЙН А ХҮРЭЭНИЙ ВИРУС БҮРТГЭГДСЭН БАЙНА

Өнөөдөр 12 цаг 46 минут
0

Долоо хоног бүр томуу ба томуу төст өвчлөлийн тандалтын мэдээлэл болон зөвлөмжийг танилцуулж буй.

ХӨСҮТ-ийн Дэд захирал О.Батбаяр: Энэ сарын эхээр томуугийн А, Б вирус бүртгэгдээгүй байсан бол энэ долоо хоногт авсан сорьцуудын 20-28 хувьд А хүрээний вирус бүртгэгдлээ. Энэ бол томуу төст вирустай харьцуулахад хүндрэх нь хурдан, сэхээнд орох, амиа ч алдах эрсдэлтэй.

Өмнө нь 15-аас доош насны хүүхдүүдийг эрсдэлт бүлэг гэж үзэж байсан бол А хүрээний вирус илэрч эхэлснээр хамгийн өндөр эрсдэлтэй хүмүүс нь жирэмсэн эмэгтэйчүүд болж байна.

Иймд жирэмсэн эмэгтэйчүүд вакцинд хамрагдаж, олон нийтийн газраар явахгүй байх, халдвар хамгааллын дэглэмийг сайтар сахих шаардлагатай.

Дараа нь 65-аас дээш насны ахмадууд эрсдэлт бүлэгт орж байна. Энэ бүлгийнхний 90 гаруй хувь нь томуугийн вакцинд хамрагдсан ч тухайн хүний онцлогоос хамаарч хүндрэх эрсдэл бий. Мөн идэр настнуудад эрсдэл үүсэж байна гэсэн үг.

Түүнчлэн агаарын бохирдол иргэдийг богино хугацаанд томуугаар өвчилж, хүндрэх эрсдэлд хүргэж байна гэв.

ЭХЭМҮТ-ийн ЭНҮТ-ийн Тасгийн эрхлэгч Т.Хаш-Эрдэнэ:, Манай эрчимт эмчилгээний тасаг 20 ортой. Одоогийн байдлаар 19 хүүхэд хүнд байдалтай эмчлэгдэж байна. Урьдчилан сэргийлэх тал дээр зөвхөн эмнэлэг, эмч гэлтгүй эцэг эх, асран хамгаалагч нар мөн анхаарах шаардлагатай.

Нийтлэг авч болох арга хэмжээ болох гарын ариун цэврийг сайтар сахиж, зөв тогтмол угааж хэвших хэрэгтэй. Мөн олон нийтийн газраар явах бол амын хаалт зүүж хэвших хэрэгтэй хэллээ. Мөн хүүхдүүдийн хооллолт дээр анхаарч, чихрийн хэрэглээг нь багасгахыг зөвлөлөө.