ШАГАЙН МЭРГЭ

Ингээд шагайн мэргэний тайлалтай танилцана уу.

Дөрвөн бэрх , Дөрвөн морь, тэмээ, хонь, ямаа

Дөрвө бэрх – Машид сайн тэргүүн төлгө, санасан бүхэн сэтгэлчлэн бүтнэ.

Дөрвөн морь – Мэргийн дээд төлгө, үйлс өлзий дэмбэрэлтэй бүтэх ерөөлтэй.

Дөрвөн тэмээ – Урт удаан өлзийтэй, бэлгэ шинжийг бадраах амой.

Дөрвөн хонь – Хүссэн бүхэн бэлэг ерөөлтэй бүтэж сайхан эмэгтэйтэй уулзаж магад

Дөрвөн ямаа – Бусдын гарт ужиг яриа хэлцэлээр тохиролцох талтай.

Гурван морь, хонь, тэмээ, ямаа

3 морь 1 тэмээ – Ирж очих нь түргэн, хүсэл мөрөөдөл бүрэн биелэнэ.

3 морь 1 хонь – Тэгш сайн, ажил хэрэг зориг 2 талд баяртай сайн.

3 морь 1 ямаа – Санаж бодсон хэрэг зориг 2 талд баяртай сайн.

3 тэмээ 1 морь – Урт удаан баяртай хэрэг үйл бүхэн бүтнэ.

3 тэмээ 1 хонь – Хүч төгөлдөр боловч бүтээмж муу, саад учрана.

3 тэмээ 1 ямаа – Үйл хэрэг гадны хүний талд, гэвч хэтийн төлөв сайн.

3 хонь 1 морь – Өөрийн талд бат сонин тавилантай учирч магад

3 хонь 1 тэмээ – Гадны нөлөөгүй, идээ будаатай учрах тавилантай.

3 хонь 1 ямаа – Ирж очих нь түргэн, зорьсон хүнтэйгээ уулзалдахгүй

3 ямаа 1 морь – Цагаан хэл аманд орох, зорьсон хэрэг бүтэмжгүй байх

3 ямаа 1 тэмээ – Үйл бүтэхгүй, гадны нөлөөтэй яваад ирээгүй байх

3 ямаа 1 хонь – Үйл бүтэмж муу, хар буруу санаатантай учрах

Хоёр морь, тэмээ, хонь, ямаа

2 морь 2 тэмээ – Үйл хэрэг бүтэмжтэй, зам мөр өлзийтэй.

2 морь 2 хонь – Алсын үйл түргэн бүтэх, түшмэл дээдэстэй учрах

2 морь 2 ямаа – Хэрэг зориг амар бүтэхгүй, мөргөлдөөнд дийлж магад

2 морь 1 тэмээ 1 хонь – Баяртай сайн, бодлого бүхэн биелэнэ.

2 морь 1 хонь 1 ямаа – Өлзийтэй сайн, тус хүргэх хүнтэй учрана.

2 морь 1 тэмээ 1 ямаа – Алсын үйл хэрэг сайн, хүсэл мөрөөдөл биелэнэ.

2 тэмээ 2 хонь – Өөрийн тал саадтай байх, сайн нөхөртэй учрах

2 тэмээ 2 ямаа – Алсуураа саадтай, явдал мөр удаан, маргаантай.

2 тэмээ 1 хонь 1 ямаа – Аливаа хэрэг явдал бүтэх нь эргэлзээтэй.

2 тэмээ 1 морь 1 хонь – Хэл хүргэж ирэх, Өөрийн талд сэтгэл ханамжтай.

2 тэмээ 1 морь 1 ямаа – Анхны явдал баяртай. хожимдсон ч хэтийн төлөв найдлагатай.

2 хонь 1 морь 1 тэмээ – Алсын хэл сайн, асуудал таны талд

2 хонь 1 морь 1 ямаа – Зөн бэлгэ баяртай, хувь заяаны тэнгэр таныг ивээнэ.

2 хонь 1 тэмээ 1 ямаа – Үйл явдэл бүтэх эсэх нь шийдгүй.

2 ямаа 1 морь 1 тэмээ – Эсэн мэнд, хүлээвч уулзах бэрх, яриа хэлцэл саадтай

2 ямаа 1 морь 1 хонь – Үйлс бүтэмж удаж биелэнэ, тэмцэлд дийлэгдэх талтай.

2 ямаа 1 тэмээ 1 хонь – Хэрэг явдал бусдын талд сөргөлдөөнтэй байх

2 ямаа 2 хонь – Хэрэг бүтэх нь үл мэдэгдэх, эмэгтэй хүнд хууртагдаж мэднэ.