“Наран плаза”-д бас гал гарчээ

            Өнөөдөр нийслэл хотод маань хоёр ч том гал гарлаа. Хан-Уул дүүргийн нутаг дэвсгэрт байрлах “Корпорайт” зочид буудалд багагүй хэмжээг хамарсан гал гарсныг Аврах гал унтраах ангийнхан шуурхай ажиллаж унтраасан билээ.

Тэгвэл дөнгөж түрүүн 18:00 цагийн үед Нийслэлийн онцгой байдлынхан гал гарлаа гэсэн дуудлагыг хүлээж авчээ. Дуудлагын дагуу очиход 13 дугаар хороололд байрлалтай Натур худалдааны төв буюу “Шинэ Монгол” дунд сургуулийн чанх хойд талын “Наран плаза”-гийн орон сууцны гал гарсан байна.

Уг гал нь барилгын III давхрын дээрх туслах дээвэр дээр лак хийж байсан ажилтан гал алдаж, барилгын баруун талын өнгөлгөө шатсан байна. Одоогоор галыг унтраасан байна.

Дулаарч хуурайшилт ихэссэнтэй холбоотой юм уу, эсвэл бид цахилгааны утас холболтон дээр алдаад байна уу.  Ямартаа ч бүх нийтээрээ цахилгааны монтаж гэх мэтчилэнгийн галын аюулгүй байдалдаа анхаарах цаг болсон бололтой.