Баянгол дүүргийн багачуудын баяр эхэллээ

Хүүхдийн баярын арга хэмжээнүүд ч эхэллээ шүү. Жил бүрийн хүүхдийн баярын өдрийг Баянгол дүүргийн хүүхэд багачууд хамтдаа тэмдэглэн өнгөрөөдөг уламжлал тогтоод байна.  “Баянголын багачууд” баярын арга хэмжээний нээлт Улаанбаатар паласын гадна талбайд өнөөдөр 12 цагт болох гэж байна.
Энэхүү арга хэмжээнд хүрэлцэн ирснээр хүүхдүүд төрөл бүрийн тэмцээн уралдаанд оролцохоос гадна үлгэрийн баатруудтай хөгжилдөн, зургаа татуулж урлагийн тоглолт үзэх боломжтой юм. Мөн хүүхэд багачуудад зориулсан баярын жагсаалд 500 гаруй хүүхэд багачууд “Улаанбаатар төмөр зам”-ын Дуу, бүжгийн чуулгын урд талбайгаас Улаанбаатар паласын талбай хүртэл жагсах юм. Жагсаалд дүүргийн удирдлагууд, ЕБС-ийн авьяаслаг сурагчид, хамтлаг, дуучид оролцох гэнэ.

“Баянголын багачууд” баярын арга хэмжээний үеэр хүүхэд багачуудаа тоглоомын өртөө, танин мэдэхүйн өртөө, амттаны өртөө, спорт өртөө, инээд цалгисан өртөө, үлгэрийн баатруудын өртөө, үзэсгэлэнгийн өртөөгөөр аялуулж, шинэ, сонин, сонирхолтой бүхнийг үзүүлэхээр бэлтгэжээ.