КИНО ТЕЛЕВИЗИЙН ШИЛДЭГ БҮТЭЭЛИЙГ СОЛИЛЦОХ, ОЛОН НИЙТЭД ТОЛИЛУУЛАХ ҮЙЛ АЖИЛЛАГААНЫ НЭЭЛТ БОЛЛОО ЕРӨНХИЙ САЙД, ПАРЛАМЕНТАД СУУДАЛТАЙ БҮХ НАМЫН УДИРДЛАГА, УИХ, ЗАСГИЙН ГАЗРЫН ГИШҮҮД ШАНХАЙН ЭКСПОГ ЗОРЬЖЭЭ АГААРЫН ТЭЭВРЭЭР ЗОРЧИГЧ ӨНГӨРСӨН ОНЫ МӨН ҮЕЭС 27 ХУВИАР ӨСЧЭЭ АВЛИГАТАЙ ТЭМЦЭХ ГАЗРЫНХАН 6 ОБЪЕКТЫГ НЭГЖЖЭЭ THE MONGOLZ ”THUNDERPICK WORLD CHAMPIONSHIP” ТЭМЦЭЭНД ТҮРҮҮЛЛЭЭ

ЦАГ АГААРЫН АЖИГЛАЛТЫН МЭДЭЭНИЙ НЭГ ХОНОГИЙН ТОЙМ

2024 оны 10 сарын 24
0

2024 оны аравдугаар сарын 23-ны 08 цагаас аравдугаар сарын 24-ний 08 цаг хүртэлх цаг агаарын тойм мэдээ:

Цасны зузаан: Өнөө өглөөний цаг уурын өртөө, харуулын цасны зузааны мэдээгээр Баянхонгор, Архангай, Булган, Сэлэнгэ, Хэнтийн ихэнх нутаг, Төв, Дорнодын хойд хэсэг, Баян-Өлгий, Увс, Говь-Алтай, Завхан, Хөвсгөлийн зарим газраар 0.0-15.0 см цасан бүрхүүл тогтсоноос хамгийн их нь Завханы Цагаанчулуут, Баянхонгорын Баянбулагт 15.0 мм, Баянхонгорын Гурванбулаг, Жаргалантад 13.0 см, Архангайн Булган, Булганы Баян-Агт, Сэлэнгийн Бугант, Хэнтийн Дадал, Биндэрт 10.0-12.0 см, бусад хэсгээр 0.0-9.0 см цасан бүрхүүл тогтсон байна.

Хур тунадас: Өнгөрсөн хоногт Баян-Өлгийн баруун, Завханы хойд хэсэг, Увс, Хөвсгөл, Архангайн зарим газраар 0.0-4.0 мм хур тунадас орсноос Завханы Тосонцэнгэл, Их-Уулд 3.0-4.0 мм, Баян-Өлгийн Сагсай, Увсын Түргэн, Хөвсгөлийн Жаргаланд 2.0 мм, бусад нутгаар 0.0-1.4 мм бороо, нойтон цас, цас орсон байна.

Агаарын хамгийн их температур: Өчигдөр өдөр Завхан голын эх, Хүрэнбэлчир орчмоор -1…-7 градус хүйтэн, Увс нуур болон Дархадын хотгор, Хэнтийн уулархаг нутаг, Завхан голын эх, Идэр, Тэс, Эг, Үүр, Тэрэлж, Онон голын хөндий, Дорнодын тал нутгаар 0..+6 градус, Их нууруудын хотгор, говийн бүс нутгийн өмнөд хэсгээр +14…+20 градус, бусад нутгаар +7…+13 градус дулаан байв.

Агаарын хамгийн бага температур: Өнгөрсөн шөнө ихэнх нутгаар бага зэрэг дулаарч Хэнтийн уулархаг нутаг, Завхан голын эх, Хүрэнбэлчир орчим, Онон голын хөндйигөөр -9…-16 градус, Дархадын хотгор, Хөвсгөлийн уулархаг нутаг, Эг, Үүр, Ерөө, Туул, Тэрэлж, Хэрлэн, Онон, Улз, Халх голын хөндийгөөр -3…-8 градус хүйтэн, Их нууруудын хотгор болон говийн бүс нутгийн өмнөд хэсгээр +5…+10 градус, бусад нутгаар -2…+4 градус дулаан хоносон байна.

Cалхи: Өнгөрсөн хоногт ихэнх нутгаар секундэд 5-10 метр, зарим газраар секундэд 11-13 метр хүрч ширүүссэн байна.

Улаанбаатар хот орчмоор: Өнгөрсөн хоногт хур тунадас ороогүй. Салхи баруун өмнөөс секундэд 3-8 метр. Өчигдөр өдөр +6…+8 градус дулаан, өнгөрсөн шөнө Яармаг-Сонгины орчмоор -5…-7 градус, бусад хэсгээр -1…-3 градус хүйтэн хоносон байна.